Gjilani si komunë dhe Livoçi i Poshtëm, si vendlindje ndihem krenarë më shumë se të tjerët me pilotin e ri, Dardan Zeqiri, shkruan Mediafokus.info
Në vitin 2018, Dardan Zeqiri fitoi bursë të plotë nga Hungaria për studime në këtë shtet dhe pas katër viteve, më datë 7 shator 2022 i përfundoi shkollimin.
Me provimin final gjithëpërfshirës të studimeve përfundoi studimet në Fakultetin e Inxhinierisë së Aviacionit në Universitetin e Debrecenit, Hungari.
Bashkangjitur me titullin Inxhinier i Aviacionit, Dardani mori edhe titullin pilot profesional me licencën e pilotit komercial, kreditet e teorisë së ATPL’s, UPRT, MCC si dhe nivelin ICAO 6 për gjuhën angleze në aviacion.
Për këtë sukses, Zeqiri falënderon familjen për përkrahje dhe inkurajim në studime./Mediafokus.info