Po vazhdon protesta e qytetarëve serbë edhe në Zubin Potok.
Aty një punëtore serbe e komunës, ka tentuar të ndërrojë disa llafe me pjesëtarët e policisë. Megjithatë, zyrtarët policorë nuk i janë përgjigjur për asnjë moment.
Punëtorja ka thënë që kryetari shqiptar është i lirë të shkojë e të punojë në Çabër.
“Nuk po e ndalojmë kryetarin tuaj që të shkojë në Çabër, ai është zgjedhur nga shqiptarët le të shkojë atje. Kërkojmë të kthehemi në zyrë”, i thotë kjo punëtore, transmeton Nacionale.
“Na vjen turp që ndërtesa e komunës është kthyer në stacion policor. Na vjen turp për atë kryetar komune”, tha ajo.
Pjesëtarët e policisë në asnjë moment nuk janë përgjigjur.