Qytetarë të shumtë kanë pësuar lëndime nga qentë endacakë që bredhin rrugëve të kryeqytetit. Por një i moshuar sot është sulmuar nga një qen i shtëpisë, raporton Gazeta Sinjali.
Burimet e Gazetës Sinjali brenda spitalit kanë bërë të ditur se 77-vjeçari ka kërkuar ndihmë mjekësore si pasojë e lëndimeve që kishte marrë nga kafshimet e qenit.
Ndërkohë për rastin është njoftuar edhe Policia e Kosovës të cilët kanë intervistuar të moshuarin e po ashtu edhe pronaren e qenit.
Me urdhër të prokurorit, rasti është iniciuar ‘Shkaktim i rrezikut të përgjithshëm’.