Sulmi kibernetik që sipas qeverisë shqiptare ka për autor Iranin, vijon në vend. Pas e-Albania dhe sistemeve qeveritare, radhën e kanë pasur sistemet e kontrollit në pikat kufitare, konkretisht sistemi TIMS.
Përmes faqes “HomelandJustice”, hakerat e Iranit kanë publikuar një video 6 minuta të gjatë ku shfaqet sistemi SMART PSS, i kontrollit qendror i të gjitha pikave të kalimit kufitar në Republikën e Shqipërisë.
Në video tregohet filmimi që përcjell kamera e sigurisë në hyrjne numër tre në Aeroportin Nënë Tereza. Aty shfaqet një punonjës i policisë kufitare përballë sistemit TIMS dhe qytetarë që presin tu kontrollohet pasaporta.
Ora kur hakerat e Iranit janë futur në sistemin e kamerave është 20:04.