Këshilli i Prindërve ka reaguar për mos ekzekutimin e pagave për mësimdhënësve, derisa ka thënë se pagat duhet dhënë, raporton Gazeta Blic.
Përmes një postimi në Facebook, Këshilli ka thënë se nuk pajtohen që të ketë situatë edhe më të rënduar, që mësimdhënësit të ngelen pa paga.
Andaj, Këshilli i Prindërve i Kosovës i bëjmë thirrje institucioneve të Qeverisë së Kosovës të bëjnë ekzekutimin e plotë të pagave të mësimdhënësve pa vonesë.
Postimi i plotë:
PAGAT E MËSIMDHËNËSVE DUHEN DHËNË
Si Këshill i Prindërve kemi avokuar, arsyetuar dhe deklaruar gjithnjë në të drejtën kushtetuese dhe njerëzore të fëmijëve tanë për përkujdesje, edukim dhe arsimim publik të pamohueshëm nga askush. Kundërshtimi ynë kryesor ndërlidhet me të drejtën monopolizuese të SBASHK për të “mbyllur” e “hapur” shkollat sipas vlerësimeve të pak individëve dhe në dëm të plotë ndaj fëmijëve e prindërve.
Por asnjëherë nuk jemi dakord që ne të krijojmë një situatë edhe më të rëndë (sesa vetë greva) dhe të gjithë ata mësimdhënës të ngelen pa paga për diçka që shteti i Kosovës e ka pranuar vazhdimisht të mirëqenë dhe asnjëherë nuk iu është ndaluar paga. Grevat në arsimin e obligueshëm duhet të rregullohen me ligj dhe jo me forma të tjera “disiplinimi”.
Andaj, si Këshill i Prindërve i Kosovës i bëjmë thirrje institucioneve të Qeverisë së Kosovës të bëjnë ekzekutimin e plotë të pagave të mësimdhënësve pa vonesë.
Nëse nuk mund ta bëni më mirë arsimin – së paku mos e bëni më keq!
Na lini të kthehemi në normalitet!