Ministria e Mbrojtjes së Kosovës ka bërë të ditur se është shpallur konkursi për rekrutimin e kadetëve për vitin akademik 2023/2024.
Ky konkurs ofron mundësinë e studimit në qendrat e universitare të FSK-së dhe institucioneve partnerë.
Sipas njoftimit zyrtar, të gjithë të rinjtë dhe të rejat shtetas të Republikës së Kosovës, në grupmoshën 18-22 vjeç, kanë të drejtë të aplikojnë për tu bërë pjesë në konkurs.
Formulari i aplikimit është i disponueshëm online në faqen zyrtare të rekrutimit.
Aplikantët duhet të plotësojnë formularin dhe të bashkëngjisin të gjitha dokumentet e kërkuara.
Ky konkurs i rekrutimit për kadetë është i hapur për aplikim nga data 1 Qershor 2023 deri më 15 Qershor 2023.
Qendra për Studime Universitare e FSK-së ofron mundësinë e studimit në dy institucione të partnerëve. Së pari, Universiteti Amerikan në Kosovë ofron programe studimore të cilat ndërthuren me fushën ushtarake.
Së dyti, Akademia Ushtarake Tokësore dhe Akademia Ushtarake Mjekësore të Republikës së Turqisë janë gjithashtu opsione të disponueshme për studimin e interesuarve.
Për më shumë informacione dhe pyetje shtesë, aplikantët mund të kontaktojnë në numrat e mëposhtëm: 038- 555584 2044 dhe 038- 555584 2045, nga ora 09:00 deri në 15:00, ose të dërgojnë email në adresën: rekrutimi@fsk-rks.org.
Ky konkurs i rekrutimit të kadetëve është një mundësi e rëndësishme për të rinjtë e Kosovës që janë të interesuar për të ndjekur karrierën ushtarake dhe të fitojnë njohuri të specializuara në fushën e mbrojtjes.