Kompania Rajonale e Ujësjellësit (KRU) “Prishtina” ka njoftuar se sot do të ketë reduktime të furnizimit me ujë në Fushë Kosovë.
Në njoftimin e tyre lëshuar në ‘Facebook’ thuhet se reduktimet do të jenë nga ora 10:00-16:00 dhe 23:00-05:00.
Sipas tyre, një gjë e tillë ka ndodhur si pasojë e ngritjes së trubullirës në liqenin e Ujmanit.
“Ju njoftojmë se pas ngritjes së turbullirës në liqenin e Ujmanit, jemi të detyruar t’fillojmë me reduktime të ujit për Fushë Kosovën. Reduktimet do jenë nga ora 10:00-16:00 dhe nga 23:00- 05:00”, thuhet në njoftim.
“Situata vazhdon deri në njoftimin e radhës. Deri atëherë situata mbetet e njejtë. Nëse në ndërkohë situata përmirësohet, reduktimet ndërpriten”, përfundon njoftimi.