Një 19-vjeçar vrau me thikë vëllain dhe prindërit e tij dhe plagosi rëndë motrën e tij në Hohentengen në kufirin gjermano-zviceran, njoftoi të mërkurën zyra e prokurorit publik në shtetin federal të Baden-Wuerttemberg.
19-vjeçari ka vrarë me thikë prindërit e tij 58 dhe 61-vjeç dhe më pas vëllain 34-vjeçar. Motra, mosha e së cilës nuk bëhet e ditur, u plagos dhe u transportua me helikopter në një spital aty pranë. Mësohet se ajo ka marrë plagë të rënda me thikë, por jeta e saj nuk është në rrezik.
Ngjarja ka ndodhur mbrëmjen e së martës, njoftoi të mërkurën policia dhe prokuroria e shtetit. I dyshuari është arrestuar. Sipas policisë në shtëpinë ku ndodhi masakra jetonte e gjithë familja. Vrasësi ka nënshtetësi gjermane dhe italiane. Motivi i sulmit është ende i paqartë.
Sipas informacioneve nga Prokuroria e Shtetit, 19-vjeçari akuzohet për vrasje të trefishtë pa paramendim dhe një vrasje të mbetur në tentativë dhe duhet të dalë para gjyqtarit gjatë ditës, i cili duhet të vendosë masën e paraburgimit.
Në të njëjtën zonë, dy muaj më parë, një djalë 32-vjeçar vrau prindërit dhe përfundimisht veten.