Tërheqja e 30 përqindëshit të mjeteve nga Fondi i Kursimeve Pensionale do të diskutohet në takimin e nesërm të Komisionit për Buxhet, Punë dhe Transfere.
Këtë e ka konfirmuar për Klankosova.tv njëri nga inicuesit e peticionit për tërheqjen e parave nga Trusti, Adnan Jashari.
Ai bëri me dije se është i ftuar në komisionin në fjalë ku edhe theksoi se do të ofrojë argumentet e tij se pse duhet të lejohet tërheqja.
Jashari njëherit i ftoi të gjithë deputetët që të votojnë pro tërheqjes.
“Nesër do të diskutohet në Komisionin Parlamentar për Buxhet, Punë dhe Transfere! Në cilësinë e iniciuesit të Nismës Legjislative jam i ftuar nesër të marr pjesë në mbledhjen e Komisionit Parlamentar” – tha Jashari.
“Do të ju bëj thirrje nesër edhe komisionit parlamentar edhe deputetëve të Kuvendit të Republikës së Kosovës të votojnë pro, do t’i tregoj argumentet, arsyet dhe domosdoshmërinë që projektligji që lejon tërheqjen e një pjesë të kursimeve nga Trusti të votohet pro!”.
Herën e parë, në muajin qershor të këtij viti, projektligji që do t’ua mundësonte qytetarëve tërheqjen e 30 përqindëshit të mjeteve të tyre të grumbulluar në Fondin Pensional nuk kaloi.
Kjo ishte kundërshtuar nga ana e Qeverisë por edhe nga partia në pushtet, Lëvizja Vetëvendosje.
Mirëpo, iniciuesit e këtij projektligji nuk u dorëzuan. Përpjekja e dytë për kalim po bëhet përmes nënshkrimit të peticioneve nga ana e qytetarëve.
Mbi 17 mijë nënshkrimet që u mblodhën për tetë ditë u njohën si të rregullta nga ana e Komisionit Qendror të Zgjedhjeve./Klankosova.tv/.
LAJME TË NGJASHME
Kosova
Trusti nesër shkon në Komisionin për Buxhet
15 sekonda më parë
Kosova
Opozita e quan politik buxhetin e MMPHI-së, Aliu thotë se janë koncentruar në projekte të rëndësishme
8 minuta më parë
Ndërkombëtar
Action Bronson bëhet baba
8 minuta më parë
Klan Kosova
Televizioni “Klan Kosova” u themelua në dhjetor të vitit 2008. Transmetimin e filloi që nga 17 shkurti i vitit 2009, me simbolikën e shënimit të njëvjetorit të shpalljes së pavarësisë së Kosovës.
Impressum Privacy Policy
info@klankosova.tv
TV:
038 76 76 80
Portali:
048 888 092
NA NDIQNI NË
ZYRA E MARKETINGUT
ismail.xhela@klankosova.tv
+383 45 500 575
© 2022 Klan Kosova
Të gjitha të drejtat janë të rezervuara