Një aksident trafiku ka ndodhur sot në magjistralen Prishtinë-Pejë gjegjësisht në fshatin Vragoli të Fushë Kosovës, ku një veturë ka goditur një këmbësor 80 vjeç, raporton Gazeta Sinjali.
Lajmin e kishte konfirmuar për Gazetën Sinjali zëdhënësi i Policisë Bajram Kransniqi, i cili tha se aksidenti ka ndodhur në orën 11:21 në rrugën nacionale Prishtinë-Pejë (fshati Vragoli).
Nga informacionet e fundit nga Policia, ata njoftojnë se i moshuari ka ndërruar jetë.
“Në ora 14:15, nga Emergjenca e QKUK-së është pranuar informata se personi i aksidentuar, ka ndërruar jetë. Me urdhër të prokurorit, trupi i pajetë dërgohet në IML për autopsi”, thuhet në një njoftim nga Policia.