Presidenti serb, Aleksandar Vuçiq, ka thënë të dielën se do të ketë shumë gjëra më të vështira për vendin e tij në të ardhmen, pasi më 18 mars, u arrit një marrëveshje për zbatimin e planit të BE-së mes Kosovës dhe Serbisë.
Ai ka theksuar se “Serbia nuk varet më vetëm nga vullneti i mirë i Prishtinës”, raporton Danas, transmeton Paparaci.
“Tashmë nga shkalla në të cilën jemi gati të bëjmë disa gjëra kur flasim për rrugën evropiane”, tha ai, ndërsa u shpreh se mbrëmë se nuk ka firmosur asgjë.
“Nuk kam nënshkruar sepse Serbia është një vend i njohur ndërkombëtarisht dhe Kosova nuk është për mua. Dhe nuk dua të bëj marrëveshje juridike ndërkombëtare me Republikën e Kosovës”, tha Vuçiq në një konferencë për media.
Ai tha se “vijat e kuqe janë kundërshtimi i njohjes së Kosovës si shtet i pavarur dhe anëtarësimit të Kosovës në OKB”.
Megjithatë, ai shtoi se Serbia është e gatshme të punojë në zbatimin deri në këto vija të kuqe.
Vuçiq tha se Serbia dëshiron normalizimin e marrëdhënieve sepse “nuk mund të jetohet me mure”.
“Por ne kemi një punë të madhe përpara nesh”, tha Vuçiq, duke iu referuar veçanërisht çështjes së personave të zhdukur, i cili duhet të diskutohet.