Mergim Vojvoda është përfshirë në një aksident të rëndë automobilistik në orët e fundit në Torino.
Makina e mbrojtësit kosovar u përplas me një makinë tjetër në Corso Galileo Ferraris. Lojtari fatmirësisht ka shpëtuar pa lëndime shëndetësore.
Fotot e raportuara nga “Torinocronaca.it” tregojnë dëmtimin e makinave çka bën me dije se përplasja ka qenë e fortë mes dy makinave. Për fat të mirë, nga pamjet mund të shohim edhe vetë Vojvodën dhe njeriun në xhipin e kuq duke qëndruar me këmbët e tij në gjendje të mirë.
