Lajm i mirë: Paralajmërohet rënie ‘me të madhe’ e çmimit të naftës

Nga 1 euro e 95 cent sa ishte, tani po sillet në 1 euro e 35 euro çmimi i një litre naftë në Kosovë.

Çmimi do të vazhdoi të shënoj rënie.

Sipas Kryetarit të Shoqatës së Naftëtarëve të Kosovës, Fadil Berjani, nga fundi i marsit do të ketë stabilizim të tregut.

“Qytetarët tonë janë duke u furnizuar me çmim real, por çmimi për qytetarët tonë është i lartë. Ne e dimë si biznese, por çmimin e përcakton BERZ-a dhe organizata prodhuese OPEC, por qytetarët janë duke u furnizuar me çmime më të lira në rajon. Sipas informatave të organizatës prodhuese OPEC që e ka një vendim që e ka nxjerrë, fundi i marsit do të jetë stabilizim i tregut për globin, jo vetëm për ne”, tha ai për Front Online.

Përveç Maqedonisë Veriore, Berjani thotë se më së liri janë çmimet e naftës në Kosovë se sa në vendet e tjera në rajon.

“Sa i përket regjionit mund të them lirisht se ne jemi më lirë se të gjitha shtetet në rajon përveç Maqedonisë Veriore, ku M.V e ka akcizën për 22 cent më të ulët në dizel”, tha ai.

Derisa foli për çmimet e naftës, Berjani po ashtu bën thirrje që të zbriten çmimet edhe të produkteve ushqimore.

“Por apeloj unë tek marketet të cilat i kanë rrit çmimet në emër të naftës, kinse nafta shtrenjtë, kjo është gabim, çmimet e naftës kanë rënë dhe shporta e qytetarit duhet të bjerë”, tha ai.

Rritja dyshifrore e inflacionit ka karakterizuar Kosovën pothuajse gjatë gjithë vitit 2022.

Rritjet e çmimeve ka nisur nga fundi i vitit 2021, si pasojë e çrregullimeve në zinxhirin e furnizimeve që ka shkaktuar pandemia e koronavirusit.

Çmimet kanë marrë hov më të madh kur Rusia ka nisur pushtimin e Ukrainës, në fund të shkurtit.

Leave a Reply

Your email address will not be published. Required fields are marked *