E dhimbshme: Vdes vajza e aktorit turk, u gjet nën rrënoja 6 ditë pas tërmetit

Artisti i teatrit dhe kinemasë Orhan Aydın njoftoi se vajza e tij Eylem Aydın dhe ish-bashkëshortja e tij Elif Torun Öneren ishin nën rrënojat në Hatay dhe kërkoi ndihmë.

Ndërsa ish-bashkëshortja e Aydin mbijetoi, trupi i pajetë i vajzës së tij, Eylem u gjet 6 ditë pas tërmetit, shkruan mediat turke.

Orhan Aydın fillimisht njoftoi se nuk mund të kontaktonte vajzën e tij nga llogaria e tij në rrjetet sociale.

“Po mundohemi të arrijmë vajzën time. Ka një masë të madhe betoni sipër dhe poshtë rrënojave. Nuk kam më forcë të duroj, zemra më qan. Duart e mia po dridhen.. Dhimbja dhe pikëllimi im janë të papërshkrueshme. Hajde e dashur…… Rezisto…” tha ai.

Megjithatë, një lajm i keq erdhi. Në ditën e 6-të të tërmetit u gjet trupi i pajetë i Eylem Aydin.

Kryetari i Bashkisë së Maltepesë së Stambollit Ali Kılıç tha: “Nuk mund t’i jepnim një lajm të mirë Orhan Aydin. Më vjen shumë keq. Pas 36 orësh punë të pandërprerë, vajza e tij e çmuar Eylem Şafak Aydın u nxor nga rrënojat. Ngushëllimet tona.”

Leave a Reply

Your email address will not be published. Required fields are marked *